Timecrimes (2007) - 92 min

Country: SPAIN
Director: Nacho Vigalondo
Cast: Karra Elejalde, Nacho Vigalondo, Candela Fernández & Bárbara Goenaga.
ഹെക്ടറും അയാളുടെ ഭാര്യയും ചേർന്ന് വീട് മോടി പിടിപ്പിക്കുന്നതിന്റെ തിരക്കിലാണ്. ഒഴിവു സമയത്ത് അയാൾ തന്റെ ബൈനോക്കുലർ ഉപയോഗിച്ച് വീടിന്റെ അടുത്തുള്ള കാടിന്റെ ഭംഗി ആസ്വദിക്കുമ്പോഴാണ് ഒരു പെൺകുട്ടി വസ്ത്രം മാറുന്നത് അതിൽ പതിയുന്നത്. ഭാര്യ പുറത്തുപോയ തക്കം നോക്കി അയാൾ ആ സുന്ദരിയായ യുവതിയെ കാണാൻ കാട്ടിലേക്ക് പോവുകയാണ്.
ടൈം ട്രാവൽ സിനിമകളോട് താൽപര്യം തോന്നി തുടങ്ങുന്നത് Timecrimes എന്ന സ്പാനിഷ് സിനിമ കണ്ടപ്പോഴാണ്. ഈ സിനിമയ്ക്ക് ശേഷമാണ് Primer (2004) കാണുന്നത്, അതോടുകൂടി ഏകദേശം തീരുമാനമായി. പിന്നെ കുറച്ച് ദിവസത്തേക്ക് ടൈം ട്രാവൽ സിനിമകളിൽനിന്ന് ഒരു അവധിയെടുത്തു. വെറുതെ എന്തിനാ ചുമ്മാ നമ്മളായിട്ട് ഓരോ പണി മേടിച്ച് കൂട്ടുന്നത്. പ്രേക്ഷകനെ കൂടുതൽ നേരം ചിന്തിപ്പിക്കുന്ന ഇതുപോലെയുള്ള സിനിമകളോട് ഒരല്പം കമ്പമുണ്ട്. നല്ലൊരു ടൈം ട്രാവൽ സിനിമ കാണാൻ ആഗ്രഹമുണ്ടെങ്കിൽ ഈ ഒന്നരമണിക്കൂർ ദൈർഘ്യമുള്ള സ്പാനിഷ് ചിത്രം കാണാവുന്നതാണ്, പിന്നെ ഇത് ത്രില്ലർ ഗണത്തിൽ വരുന്ന ഒരു ചിത്രം കൂടിയാണ്. സ്പാനിഷ് ത്രില്ലർ ആയതുകൊണ്ട് ഇതിന് വീര്യം കൂടും.
Verdict: Good