The Green Knight (2021) - 130 min

Country: USA
Director: David Lowery
Cast: Dev Patel, Alicia Vikander, Joel Edgerton, Sarita Choudhury, Sean Harris, Ralph Ineson.
Gawain തന്റെ അമ്മാവനായ ആർതർ രാജാവിനൊപ്പം വട്ടമേശയിൽ ഇരിക്കുമ്പോഴാണ് ഗ്രീൻ നൈറ്റ്‌ ആ സദസ്സിലേക്ക് കടന്നുവരുന്നത്. അവിടെയുള്ള ആർക്കുവേണമെങ്കിലും അയാളോടൊപ്പം ഒരു മത്സരം കളിക്കാം, ജയിക്കുന്ന വ്യക്തിക്ക് അയാളുടെ ആയുധം ലഭിക്കും.
ഒരു മുത്തശ്ശി കഥ വായിക്കുന്ന പോലെ ആസ്വദിച്ച് കാണാവുന്ന ഒരു ചിത്രമാണ് The Green Knight. നൂറ് ആളുകൾ ഈ സിനിമ കണ്ടാൽ, ചിലപ്പോൾ തൊണ്ണൂറ് പേർക്കും എതിർ അഭിപ്രായം ആയിരിക്കും. A24 ആണ് ഈ ചിത്രം തിയറ്ററുകളിൽ എത്തിച്ചത്. സാമ്പത്തികമായി വലിയ വിജയം നേടിയില്ലെങ്കിലും, നഷ്ടം സംഭവിച്ചില്ലെന്ന് തോന്നുന്നു. ഛായാഗ്രഹണം, സംഗീതം, അഭിനയം എന്നിവ എടുത്തു പറയേണ്ട കാര്യങ്ങളാണ്, ശരിക്കും പറഞ്ഞാൽ ചില രംഗങ്ങൾ കാണുമ്പോൾ കുട്ടിക്കാലത്ത് കേട്ടിട്ടുള്ള രാജാക്കന്മാരുടെ കാര്യമൊക്കെ ചിലപ്പോൾ ഓർമ്മ വന്നേക്കാം, അല്ല വരുമായിരിക്കും അത്ര ഉറപ്പില്ല.
Verdict: Good

Paris, 13th District (2021) - 106 min

Country: France
Director: Jacques Audiard
Cast: Lucie Zhang, Makita Samba, Noémie Merlant, Jehnny Beth.
നഗ്നയായ Émilie യെ കാണിച്ചുകൊണ്ടാണ് സിനിമ ആരംഭിക്കുന്നത്. ആദ്യകാഴ്ചയിൽ തന്നെ Camille യുമായി ലൈംഗിക ബന്ധത്തിൽ ഏർപ്പെടുന്നു അവൾ. Camille അവിടെ വാടകയ്ക്ക് താമസിക്കുന്ന വ്യക്തിയാണ്. Émilie ക്ക് Camille നെ ഇഷ്ടമാണ്, പക്ഷേ അയാൾക്ക് ഇഷ്ടം മറ്റൊരാളെയാണ്.
ഇതൊരു ബ്ലാക്ക് ആൻഡ് വൈറ്റ് സിനിമയാണ്, അതിന്റെ പിന്നിലുള്ള കാരണം വ്യക്തമല്ല. കഥാപാത്രങ്ങളുടെ നിറവുമായി ഇതിന് എന്തെങ്കിലും ബന്ധം ഉണ്ടോ എന്നും അറിയില്ല. പൊതുവേ നല്ല അഭിപ്രായമാണ് ഈ ചിത്രത്തിന് ലഭിച്ചത്. സിനിമയുടെ തുടക്കം പോലെ തന്നെ പല രംഗങ്ങളിലും കേന്ദ്രകഥാപാത്രങ്ങൾ കൈകാര്യം ചെയ്യുന്നവർ വസ്ത്രം ധരിക്കാതെ നടക്കുന്നത് കാണാം. അതുപോലെതന്നെ അവർക്കിടയിൽ ചില intimate സീൻസ് ഉള്ളതുകൊണ്ട് കാണുന്നവർ അതും കൂടി മനസ്സിൽ വയ്ക്കുക.
Verdict: Good